HELLO AI AI FANS!!!

Ai Ai at mga anak, magpa-Pasko sa Cyprus

(REY PUMALOY)


--------------------------------------------------------------------------------



Sa Cyprus magpa-Pasko si Ai Ai de las Alas at ang kanyang pamilya. First time ni Ai Ai na mag-Pasko sa ibang bansa at kasama pa ang kanyang mga anak.

Tutuhugin na ni Ai Ai ang pagkakataon dahil may gagawin siyang show roon.

Kaysa bumalik pa ng ‘Pinas si Ai Ai para mag-Pasko, lulubus-lubusin na niya ang bakasyon.

Ayaw pa sanang ipasulat ito ni Ai Ai sa diyaryo dahil makakasama niya sa show na ito si Allan K.

Hindi pa raw kasi nakakapagpaalam ang komedyante sa TAPE Inc. at baka ma-preempt ang raket nilang ito.

Binibiro na si Ai Ai ng mga kaibigang press at staff sa Klownz Araneta na mag-advance na ng kanyang Christmas giveaways at party.

Nangako ang komedyana na gagawin ito mismo sa kanyang kaarawan.

Tutuhugin na rin ni Ai Ai ang dalawang okasyon para isahang gastusan na lang daw.

Nag-promise si Ai Ai kay Mother Lily Monteverde na magpu-promote nang todo sa print at television ng pelikula nilang Shake, Rattle & Roll 2K5 para makabawi sa magiging absences niya sa promotion ng nasabing movie.

Bida si Ai Ai sa episode na "Poso" kung saan ginagampanan niya ang papel ng isang espiritista.

Ikatlo na ito ni Ai Ai sa Shake, Rattle & Roll.

Tinanong namin si Ai Ai kung bakit paborito siyang kunin ng Regal Films sa Shake….

"Kasi, pang-horror daw talaga ang beauty ko! Minsan nga, natatakot na ako sa itsura ko at sa mga pinaggagawa ko eh! Ha! Ha! Ha! Ha! Ha!" halakhak niya.

http://www.abante-tonite.com/issue/oct1405/main.htm

Aiai at mga anak, sa Cyprus magpa-Pasko!
SUNTOK SA BUWAN Ni Emy Abuan-Bautista
Ang Pilipino STAR Ngayon 10/18/2005

Isa sa bida ng Shake Rattle and Roll 2K 5 si Aiai delas Alas sa episode ng Halimaw sa Poso at naniniwala ito sa multo dahil mayroon pala siyang third eye. May narinig siya noon sa dressing room na umiiyak kaya pinasarhan na nito ang third eye. Nagpakamatay pala ang umiiyak na babae na nagparamdam sa kanya.

May mga white dwarfs sa kanyang bahay sa North Suzana at kinakausap din niya ang mga dwende. Kaya lilipat na siya sa bagong biling bahay ngayong Enero.

Pero excited ito sa pagkukwento na magiging memorable ang kanilang Pasko ng mga anak dahil dun sila sa Cyprus magseselebrayt ng Holiday Season. May concert kasi sila ni Allan K. doon.

May bago itong show titled I Love You Lucky na sisimulan ngayong October 22 sa ABS-CBN. Inamin din ng komedyante na nami-miss niya ng husto si Arnel Ignacio na abala ngayon sa kanyang wig business.

http://www.philstar.com/philstar/PINOY200510187303.htm

Celebrity World
Crispina Belen


* * *

Ai Ai to play Bakekang?


Yes, if plans push through, Ai Ai de las Alas will play the role of Bakekang in the TV series that ABS–CBN is reportedly intending to produce. "Bakekang," made into a movie 29 years ago with superstar Nora Aunor in the title role is, like "Panday," another Carlo J. Caparas Jr. creation.

First, it was reported that GMA Entertainment was thinking of doing the "Bakekang" TV series and among those they had in mind to play the title role were Sunshine Dizon and Jolina Magdangal.

But it seems ABS-CBN has beaten GMA to the draw because the former reportedly is the one who has bought the rights to do "Bakekang." However, in a recent talk with Ms. Wilma Galvante, SVP-Entertainment of GMA-7, she said they never intended to produce "Bakekang" either as a movie or a TV series.

Now that it’s almost certain ABS-CBN is doing "Bakekang," there’s no doubt the network will again tap Carlo J. Caparas Jr. to be consultant for the project. Carlo is senior consultant for "Panday."

By the way, we were told Kris Aquino was also being considered to reprise Ms. Aunor’s role. It was also reported that ABS-CBN might borrow Sunshine Dizon or Jolina Magdangal in the event Kris Aquino or Ai Ai de las Alas won’t be available. But of course this is preposterous, and not at all believable.

http://www.mb.com.ph/ENTR2005102047168.html

Good for Ai-Ai if ever na siya ang kuhanin for the role, magaling naman po kasi siya. Pero if ever na mako-consider si Kris, maganda rin kasi iba siguro pag nag-comedy na si Kris

---

Ai-Ai at Sandara magsasama sa pelikula


E-TALK
Beth Gelena
People's Tonight



KAPAG tinatanong si Ai-Ai de las Alas tungkol kay Rainier Castillo, sinasabi niyang, "Ayun, okey lang. 'Wag na nating pag-usapan ang bata, okey na kami. Saka humingi naman na siya ng sorry."

Eh, kumusta naman ka-trabaho ang bagets? "'Yun, smiling siya," sagot ng komedyana.

Magkasama sina Ai-Ai at Rainier sa Poso episode ng Shake, Rattle and Roll VII, Metro Manila Film Festival entry ng Regal Films directed by Uro dela Cruz.

Natutuwa si Ai-Ai dahil sunud-sunod ang suwerteng dumarating sa kanya ngayon. Noo'y medyo nag-lie low ang career niya at napabalita pang pinabayaan na siya ng ABS-CBN.

Naintindihan daw niya ang sitwasyon, kaya naman kahit iisa ang kanyang programa, My Juan en Onli, nagpapasalamat pa rin siya sa kanyang home studio.

Ibinalita rin niya sa amin na may isa pa siyang show na malapit nang ipalabas sa Dos. Ayaw nga lang muna niyang sabihin kung ano ang concept nito, pero nakatitiyak daw siyang magugustuhan ito ng mga manonood.

Puwede na ring gumawa ng pelikula si Ai-Ai sa ibang production outfit, isa na rito ang Shake, Rattle and Roll VII ni Mother Lily. Gagawa rin sila ng pelikula nina Sandara Park at Joseph Bitangcol para sa Star Cinema.

"I Love You, Lucky yata ang working title, pero hindi ko alam kung kasama si Lucky (Luis Manzano), ha, at si Ate Vi (Vilma Santos). Hahaha!" sabi niya.

Hindi pala first timer si Ai-Ai sa Shake, Rattle and Roll series. Naging supporting na raw siya sa dalawang naunang installment. 'Yun nga lang, ngayo'y bida na si Ai-Ai sa episode niya.

http://www.journal.com.ph/news.asp?pid=1&s...ay=22&year=2005

oh, thats good to hear Tita Beth, in fairness naman po kay Ai-Ai, talagang nakakatawa po yung mga pelikula n'ya. Aside from Tanging Ina, nakakatawa rin yung Pinay Pie. I'm excited to see her on Shake, Rattle and Roll 2005

---

Kaibigang duwende, bibitbitin ni Ai Ai delas Alas sa bagong bahay!

Alfie Lorenzo



Ngayong January 2006 na ang lipat ni Ai Ai delas Alas sa bago niyang bahay sa Ayala, Hillside Quezon City. Pagkadating na pagkadating ni Ai Ai galing sa show niya sa Cyprus, mag-aalsa balutan na siya.

Inaasahan na ni Ai Ai na makakasama niya sa paglipat hindi lang ang kanyang mga anak, maids at driver kundi ang mga kaibigang duwende. Naniniwala si Ai Ai na may mga sumusunod at gumagabay sa kanyang duwende dahil ilang beses na itong nagpapakita sa kanya.

"Snap lang. Mabilis na mabilis. Ang itsura nila, puti. Wala ngang maniwala. Sinasabi nga nila baka raw pusa o aso. Sagot ko naman, wala namang pusa o aso na ganito kalaki (sukat ng isang bata) noh!

"Mababait naman sila. Tinanong ko na sila. Sabi ko, sama kayo sa bagong bahay ko ha? Oo ba! Mabilis rin ang sagot! Hindi man lamang nagpapilit! Ha! Ha! Ha! Ha!" masayang kuwento ni Ai Ai.

Pero, alam niyo ba na may psychic ability si Ai Ai. Alam niyang mayroon siyang third eye. Pero dahil sa takot nito, ipinasara niya ang kakayahan.

"Natakot ako. Ayokong maging tool para makakita at makaramdam ng mga kung anu-ano. Atsaka, lagi kasi akong may sakit nung nagti-taping pa kami for 1-4-3.

"Doon sa dressing room namin lagi akong nakakarinig ng umiiyak na babae. Hindi na ako natatahimik. So, nag-decide akong ipasara ko na ‘yung third eye ko.

Nilagyan lang ng oil ‘yung ulo ko, tapos dinasalan. ‘Yun na!" kuwento pa rin niya.

Sa shooting naman ng pelikula niyang Tanging Ina, lumitaw sa video screen ang isang fog human image form na nakadikit sa pisngi ni Marvin Agustin habang sinu-shoot nila ang isang eksena.

"Kitang-kita sa screen nung ma-preview ‘yung eksena. Kung ano ‘yung napapanood natin sa mga pelikula, o sa mga docu features na multo, na mahaba ang mukha, maputi, `yun ang nakita ko," patuloy na kuwento ni Ai Ai.

Bagay nga raw kay Ai Ai ang role niya sa Shake, Rattle & Roll 2K5 bilang espiritista sa episode na Poso, dahil nakakaramdam at nakakakita siya ng mga kababalaghan.

***

Speaking of Ai Ai, ayaw nang mag-comment ng baguhang aktor na si Kris Martinez tungkol sa naunsyaming paglago ng relasyon ng komedyana at ni Art Carter. Nag-alala si Kris na baka kapag may sinabi siya ay mabigyan ng masamang impresyon ni Ai Ai.

Si Kris ‘yung bagets na natsismis noon kay Ai Ai. Nagsama sa pagdi-date noon, pero hindi rin nauwi sa relasyon ang lahat.

"Mahirap kasing magsalita, dahil kung si Ai Ai nga ayaw nang pag-usapan ang lovelife niya, ako pa kaya? Basta, kaya niya ‘yung nangyari sa kanya. Sa tingin ko, mukhang naka-recover na siya," simpleng comment ni Kris.

Mas gusto ni Kris na pag-usapan ang pagpirma niya ng kontrata sa ABS CBN matapos matalo sa Close-Up To Fame. Excited si Kris sa mga lalabasang project sa Dos.

http://www.abante.com.ph/issue/oct2305/main.htm

Ai Ai no personal grudge against Rainier

FREEHAND
By Mario E. Bautista
People's Journal

AI AI de las Alas wants to make it clear she has no personal grudge against Rainier Castillo for being late in the shooting of "Shake Rattle & Roll 7."

"It's not really his fault naman but whoever handles his schedule," she says. "Pero may ibang taong pinapalaki ito and saying negative things against me. Huwag na lang pansinin."

On TV, Ai Ai now also enjoys hosting "ETK" every Saturday. "Bale twice akong napapanood tuwing Sabado kasi I'm also in 'Juan and Only' in the evening."

Now, she returns to the concert stage as the special guest in Regine Velasquez' "Reflections" at Aliw Theatre on November 4, 5, 11, 12&19 and December 9&10. "Regine guested in my concert a year ago so it's now my turn to guest in her show. This is her personal sentimental journey through music and I'm glad to be a part of it para naman once and for all mapagkumpara na ng mga tao kung sino talaga ang mas magaling sa 'ming dalawa."

Ai Ai remains to be the comedy queen as her kind of comedy has not withered at all. Her wit and timing remain sharp as ever. "Kahit naman noong I was singing in sing-along bars, nagpapatawa na talaga ako. For me, it's always a combination of music and comedy. In "Reflections,' I have an exciting solo number and another one with Regine. I heard kinakabahan na siya at baka hindi siya makasabay sa akin."

http://www.journal.com.ph/photooftheday.as...ay=31&year=2005

Ai Ai de las Alas returns to the concert stage as she guests in Regine Velasquez’s “Reflections” set at the Aliw Theater on November 4, 5, 11, 12, 18 and 19, December 9 and 10. Ai Ai has an exciting number in this series of shows. “Regine guested on my show a year ago. Ako naman ngayon sa show niya. I am happy to be part of Regine’s sentimental journey through music,” says Ai Ai.

Aiai, mas may pera kaysa kay Regine?

Ang Pilipino STAR Ngayon 11/02/2005

Kung hindi magbabago ang plano ay bukas, Huwebes, November 3 ang first shooting day ni Aiai delas Alas sa Star Cinema kasama sina Joseph Bitangcol at Sandara Park para sa pelikulang I Love You, Lucky.

Tapos na ni Ms. A ang Shake, Rattle and Roll ng Regal Entertainment kaya’t hindi siya gaanong mapapagod sa pagso-shooting dahil hindi naman daw siya maglalagare.

At higit sa lahat, "Excited ako, gagawa na ako sa Star Cinema. Tagal kong hindi gumawa sa kanila, di ba natapos ang kontrata ko na hindi naman nasunod yung movie na gagawin ko?" say niya.

Samantala, sa concert ni Regine Velasquez na Reflections na gaganapin sa Aliw Theater simula sa November 4 hanggang December 10 ay si Aiai pala ang gaganap na Regine after 20 years.

Kaya pala Reflections ang titulo ay ipapakita ni Regine kung sino siya nung bata na gagampanan ng anak nina Cacai at Raul Mitra, nung naging dalagita ay si Kim Flores na at nung tumanda na at rumaraket pa rin ay si Aiai na, na tiyak na babalahurain ng comedy concert queen si Songbird.

Anyway, wala raw presscon si Regine para sa concert niya dahil nagtitipid, (para may pambayad sa BIR?) ito ang say ng publicist, kaya’t si Aiai na lang daw ang ipapa-presscon ng Backroom, Inc dahil as of now, mas may pera ito kaysa kay Songbird na siyang producer ng concert, ganun?

http://www.philstar.com/philstar/PINOY200511027305.htm

Alfie Lorenzo



TUMATANAW ng utang na loob si Ai-Ai delas Alas kay Regine Velasquez. At bilang pagtanaw ng utang na loob, siya naman ang maggi-guest sa concert ni Regine, ang Reflections sa Aliw Theatre.

"Nag-guest si Regine sa concert ko a year ago. So, ako naman ngayon ang maggi-guest sa show niya. I am happy to be part of Regine’s sentimental journey through music," say ni Ai-Ai.

Siyempre, nakatoka kay Ai-Ai ang katatawanan, na noon pa man ay ginagawa na niya.

"Hindi na mawawala sa akin `yon. Kahit naman nu’ng kumakanta pa lang ako sa sing-along bars, nagpapatawa na ako. For me, it’s always a combination of music and comedy," hirit pa ni Ai-Ai.

Guest din si Ai-Ai sa concert ni Erik Santos, ang Paskong Pasasalamat ni Erik Santos, sa December 3 sa Marikina Riverbanks Amphitheatre.

Siyanga pala, ang Reflections ay mapapanood sa November 4, 5, 11, 12, 18 & 19, at sa December 9 & 10.

http://www.abante.com.ph/issue/nov0205/main.htm

StarCircuit By RICKY L. CALDERON
The Freeman 11/04/2005


* * *
Comedy Concert Queen Ms. Ai Ai de las Alas returns to the concert stage. She's one of the special guests of Asia's Songbird Regine Velasquez in the latter's concert series titled "Reflections" set at the Aliw Theater on November 4, 5, 11, 12, 18 & 19, December 9 and 10. She's doing a very special number in this concert series.

"Regine was my guest when I did my concert last year and I am happy to be part of her concert as she makes her sentimental journey through music," said the Comedy Concert Queen.

It should not come as a surprise if Ai Ai is good in singing as well as in doing comedy sketches. "Kahit nung ako'y kumakanta pa sa sing-along bars, nagpapatawa na talaga ako. For me, it's always a combination of music and comedy," she said.

Even if she's not doing a major solo concert this year, Ai Ai considers it a big opportunity to be part of Regine's concert series at the Aliw Theater. Her fans can also look forward to seeing the comedienne in the horror movie "Shake, Rattle and Roll" to be shown during the Metro Manila Film Festival this coming December.

http://www.philstar.com/philstar/Freeman200511042401.htm

she was so funny when she guested on homeboy for tito boy's birthday!!! she's always entertaining and keeping the crowd smiling and laughing. she's really talented. i have to say, i was cracking up when she was "singing" with jed madela.

---

Aiai, umayaw sa Sandara/Joseph movie
SANGA - SANGANDILA Ni Veronica R. Samio
Ang Pilipino STAR Ngayon 11/05/2005



Para sa isang nagsimulang magtrabaho sa pamamagitan ng pagkanta sa mga karaoke at sing-along bars hindi madali para kay Aiai delas Alas ang kumanta. Pero, hindi siya nagdalawang isip nang alukin siya ni Regine Velasquez na mag-guest sa concert series nitong Reflections na nagsimulang mapanood kagabi sa Aliw Theater. At mapapanood pa rin ngayong gabi, sa Nob. 11, 12, 18 at 19 at sa Disyembre 9 at 10.

"Kaibigan ko siya. Nung mag-guest siya sa concert ko, hindi siya nagpabayad, nagregalo lang ako. Natuwa naman siya," kwento ni Aiai.

Sa isang pakikipag-kwentuhan kay Aiai para sa kanyang gagawing pag-guest sa Reflections, sinabi niyang hindi na matutuloy ang pelikula niya sa Star Cinema na pagsasamahan sana nila nina Sandara Park at Joseph Bitangcol. Umayaw siya nang malaman niya na magiging suporta lamang siya ng dalawa. "Gusto ni tatay (Boy Abunda, manager niya) ay gawing magkakapareho ang weight ng mga roles namin, ayaw niya ng suporta lang ako. Kung magagawan daw ng Star Cinema ng paraan okay lang pero, since hindi na magagawan ng paraan kaya tumanggi na lang siya. Ibinigay na lamang nila kay Pokwang yata ang role. Okay lang sa akin, mabait sa akin si Pokwang at may respeto," ani Aiai pa.

Nakagawa na ng dalawang recording si Aiai na ang pinaka-huli ay ang "Tanging Ina" album. Mayro’n pa rin siyang dalawang regular na programa sa ABS CBN, ang My Juan and Only na ipinagmamalaki niya sapagkat hindi raw ito nawawala sa top position ("Sisikat ito balang araw," sabi niya) at ang ETK.

http://www.philstar.com/philstar/pinoy200511057301.htm

Ai Ai na-detain din sa Japan

Ni NITZ MIRALLES



Kagabi ang first night ng Reflections, ang series of concerts ni Regine Velasquez sa Aliw Theater. Tiyak na hindi nagpatalo si Ai-Ai de las Alas, isa sa guests sa concert. Pinaghandaan daw niya nang husto ang kakantahing On the Wings of Love at I Don't Wanna Miss a Thing. Tatapatan daw niya ang taas ng boses ni Regine.

Buong series, guest si Ai-Ai at nagbiro itong pati birthday niya sa November 11, magtatrabaho siya.

Sa February next year, may Valentine's Day concert sila ni Regine at nagbiro itong makikita na kung sino sa kanila ang mas magaling kumanta.

Tatapusin lang ni Ai-Ai ang concert at sa December 24, kasama ang mga anak ay lilipad sila papuntang Cyprus with Allan K for a show.

Sa Dec. 30 na ang kanilang balik at aasikasuhin naman niya ang paglilipat nila ng bahay. Sa bagong bahay sa Ayala Hillside na sila magnu-New Year.

Birthday wish pala ni Ai-Ai na magkaroon ng bagong show, pero next year pa yata siya bibigyan ng ABS-CBN.

Sa kanya pala ang Bakekang, pero wala pa siyang alam sa ibang details, gaya ng director, co-stars at ang batang gaganap na Kristal.

Naikuwento pala ni Ai-Ai na siya man ay na-detain nang apat na oras sa Japan nang minsang pumunta siya para mag-show.

Hindi malinaw sa kanya kung ano ang naging problema't baka sa visa raw dahil tourist at hindi working visa ang hawak niya.

Naayos naman ang kanyang problema nang hindi na siya kailangang ipahiya.

Samantala, binawi nito ang unang sinabing smiling lang ang talent ni Rainier Castillo, kasama niya sa Poso episode ng Shake, Rattle & Roll. Dalawa raw pala ang talent ng young actor: Smiling and dancing.

http://www.journal.com.ph/news.asp?pid=1&s...day=5&year=2005

Why Ai Ai broke off with American bf

FREEHAND
Mario Bautista



AI AI de las Alas turns 41 on November 11. "If life begins at 40, then 1 year old pa lang ako," she quips.

How will she celebrate her birthday? "I'm working. Guest ako ni Regine Velasquez sa 'Reflections' concert niya sa Aliw Theater pati sa November 12, 18, 19, December 9 and 10. To show my love for her, I'll sing solo one of her hits, 'I Don't Wanna Miss a Thing,' then magdu-duet kami sa 'On the Wings of Love' na ako ang nasa harness. Bahala na ang audience mag-decide kung sino ang mas rerespetuhin sa amin. Basta ako, kinakanta ko 'yun nang nakapikit pa ko, wala lang."

She's very fond of Regine. "Madaling pakiusapan. When I asked her to guest in my concert, hindi nagpabayad. Friend ko 'yan, e. For her concert, pinagpagawa pa niya ko ng bagong gown sa bawat gabing guest niya ko. 'Yung pareho kami ng suot kapag nagdu-duet kami."

What happened to her American boyfriend, Art? "Ayun, tumatawag, nagte-text, pero ayoko na talaga. Masama ugali, e. Hanggang ngayon sinusumbat pa sa'kin 'yung dinala niya ko sa doctor when I got sick in the U.S. and he paid $200. Tapos sinabihan pa ko ng 'You suck'. Ano 'yon?" How will she describe the passing year? "Ayun, three months, wala akong TV show. Kinausap ko si Lord, 'What happened?' But I never blamed Him. I felt sabi Niya, 'Trust me.' And I did. Ngayon, dalawa uli ang shows ko, 'ETK' and 'My Juan en Only.' Pero doon ko nakilala ang tunay kong friends. Nang mag-hit ang 'Tanging Ina,' I get 40 texts a day, ang dami kong friends. Nang mawalan ako ng show, wala ng nagte-text man lang. I took advantage of my free time to go back to school. I took up a course in management as I want to put up my own business, a restaurant. Now, I'm taking up culinary arts naman. I also miss having my own show. I'm told I'd do 'Bakekang' pero ewan kung matutuloy. Buti na lang I have a new movie, 'Shake Rattle & Roll 7' na filmfest entry. I appear sa 'Poso' episode ni Direk Uro de la Cruz. Three stories ito pero sa amin ang pinakamaganda, siyempre dahil nandoon ako. I play a fake medium for Tita Gloria Romero na later on, nakakita talaga ng multo."

Is she threatened by the entry of new comedienne Pokwang who now has more assignments at ABS? "Not at all. Ganyan naman talaga, di ba? Kung marami siyang ginagawa now, okay lang 'yun. Pinagdaanan ko na 'yan na apat-apat ang shows ko at araw-araw akong may taping. Maghintay-hintay lang siya't kokonti rin 'yan."

Ai Ai is also guesting in Erik Santos' "Paskong Pasasalamat" on December 3 at Marikina Riverbanks. She won't be spending Christmas here. "Right after the filmfest parade on December 24, I'm flying to Cyprus to do a show with Allan K. I'll take my three kids with me para makapagbakasyon na rin kami roon."

http://www.journal.com.ph/news.asp?pid=2&s...day=5&year=2005

Ai Ai, tinarayan ang Parokya


--------------------------------------------------------------------------------



Kapag nababanggit sa mga interview ng Parokya Ni Edgar si Ai Ai delas Alas, ibinibilin ng mga ito sa interviewer na ikumusta sila sa komedyana at ipaabot ang kanilang pasasalamat dito.

Tuwing makararating ito kay Ai Ai at aalamin ng press kung bakit pinasasalamatan siya ng mga ito, napapangiti siya.

Sa salaysay ni Ai Ai, nakatikim na rin ng taray sa kanya ang Parokya nang magsama sila sa isang road show sa probinsya ilang taon na ang nakakaraan.

Ikinaloka ni Ai Ai ang ‘attitude’ ng grupo noong mga sandaling iyon samantalang hindi ganoon kasikat ang mga ito kumpara ngayon.

Ikinaimbiyerna rin ni Ai Ai ang pagpapalit ng mga ito ng mga kanta kaya nagugulo ang sequence ng programa sa show.

Hindi na nakatiis si Ai Ai, nagtaray siya sa grupo at sinabihan ang mga itong kung gusto nilang magtagal sa industriya, tanggalin nila ang angas sa katawan.

Sabi ni Ai Ai, kapag tinarayan niya, siguradong nawawalan ng career. ‘Gifted’ daw siya sa ganito gaya ng pagkakaroon niya ng third eye.

Noong tarayan niya ang Eraserheads dahil sa kayabangan ng mga ito, nagkawatak-watak ang grupo at nawalan ng career.

Nanganganib daw ang career ni Rainier Castillo.

Matatandaang tinarayan ito ni Ai Ai nang paghintayin ng bagets ang komedyana sa shooting ng Shake, Rattle and Roll 2K5.

Pero bakit hindi tumalab ang taray niya sa Parokya?

"Oo nga eh. Doon lang ako sumablay. Kasi naman, nagtanda sila. ‘Yung sinabi ko, in-apply nila sa career nila. ‘Yung Eraserheards naman, hindi nagbago.

"In fairness kay Rainier, hindi naman kasalanan no’ng bagets saka nag-sorry naman siya. So, malamang tatagal ang career no’n," nakangiting pahayag niya.

http://www.abante-tonite.com/issue/nov0505/main.htm

Aiai, walang kapitbahay!

Ang Pilipino STAR Ngayon 11/06/2005

Desidido talagang maging chef si Ms. Aiai delas Alas dahil pangarap niyang magtayo ng restaurant at hindi comedy bar tulad ng alam ng iba dahil sa nabanggit na lugar siya nag-umpisa.

"Dream ko talaga ang restaurant business, at dapat hands on ka, kaya ako nag-enroll sa Culinary Arts for International Cuisine. Para ako mismo ang magluluto at ang name tag ko, Chef Martina..., ganda di ba?" nakangiting kwento ni Aiai na Martina Aileen ang real name.

As of now ay nasa level 2 palang siya at ang pinag-aaralan nila ay ang paggawa ng soup at sauces, "Madalas nga akong tanungin ng professor ko kung kaya ko pa raw tapusin, kasi tuwing papasok ako, ang pula-pula ng mata ko, ang hirap gumising ng maaga," dagdag pa ng future chef.

At ang pinakaaabangan niya ay ang pag-aaral niya ng French language at ang pagluluto ng French dishes.

"Sosyal, di ba, mag-aaral ako ng French. Matagal pa ang lalakbayin ko bago ako mapunta sa international cuisine, level 10 na ‘yun, e, nasa level 2 palang ako," dugtong pa.

Samantala, ang wish ni Aiai sa birthday niya sa November 11 ay magkaroon pa siya ng sariling show na ikinagulat namin dahil hindi pa ba niya sarili ang My Juan and Only?

"Dalawang show kasi ang nasa kontrata ko, e, isa palang ‘yun. Yung ETK naman, sabit lang naman ako ro’n, hindi naman akin ‘yun. Kumbaga solong show na matatawag na ako ang bida," paliwanag ng komedyana.

And speaking of ETK ay natutuwa ang bagong ‘sabit’ sa show nina Toni Gonzaga dahil two digits na raw ang ratings nito kumpara noon na single digit lang.

"At least lumalaban na, ‘yun nga lang, hindi talaga siya manalo-nalo sa Startalk, ilan ba ang talk shows ngayon, apat? Pang number 4 kami, he he he," nangiting sambit ni Aiai.

May nag-correction na kasamahan sa hanapbuhay na lima na raw ang showbiz talk shows ngayon, kasama na ang Showbiz Stripped ni Mr. Ricky Lo at hindi nga lang alam kung sino sa kanila ng ETK ang mas mataas ang ratings.

"Kuntento na rin ako sa ibinigay sa akin ng Dos, buti nga, may show ako, ‘yung iba, wala talaga, hindi ko na lang babanggitin ang mga pangalan, kaya ‘yung maraming shows ngayon sa ABS, pasalamat sila at pagbutihin nila, dahil darating din ang panahong isa-isa ring mawawala lahat ‘yun, lalayo pa ba tayo, e, ako ba, ilan ba dati ang shows ko, di ba, nawala lahat noon at three months akong jobless?

"Buti na lang at may negosyo at ipon ako, paano kung wala, saan ako kukuha ng pampaaral ng mga anak ko at pampagawa ng bahay ko? Kaya laking pasalamat talaga ako sa Diyos dahil ni minsan, hindi niya ako pinabayaan. Siguro pinakita niya lang sa akin kung sinu-sino ang mga tunay kong kaibigan nung nawalan ako ng shows, kasi before, sangkaterba ang nagti-text sa akin na kaibigan ko sila, nung nawala ako sa telebisyon, nawalang lahat yun at doon ako natauhan, kilala ko na ang mga true friends ko ngayon," pangangatwiran pa ni Ms. A.

At sa January 2006 ay lilipat na siya sa two storey house niya sa Ayala Heights sa may Quezon City na ayon sa kanya ay solong-solo niya ang lugar dahil, "Wala akong kapitbahay, ayaw yata akong tabihan. Mag-isa lang akong nagpagawa ng bahay sa lugar na ‘yun at kaharap ko pa ang golf course."

Baka sinadyang mag-isa lang siya sa nasabing lugar para wala na siyang makaaway tulad ng nangyari sa kanila noon ni Mystica sa North Susana Heights? – Reggee Bonoan

http://www.philstar.com/philstar/PINOY200511067305.htm

HOT 'N SPICY
Vinia Vivar
People's Tonight

* * *

Ayaw nang i-divulge pa ni Ai-Ai de las Alas kung ilang milyon na ang nagagastos niya sa kanyang ipinatatayong bahay sa Ayala Hillside, but we could guess na mansyon ito knowing na sa first class subdivision at sabi nga, rich and famous lang ang puwedeng maka-acquire nito.

Sa lote pa lang na 600 square meters ay tiyak na multi-million na ang presyo nito. Ang bahay ay five-bedroom affair, kaya isipin pa lang namin kung nakaka-magkano na siya'y nalulula na kami.

No wonder, kahit birthday na birthday ni Ai-Ai sa November 11 ay trabaho pa rin siya. Natapat ito sa Reflections concert ni Regine Velasquez, kung saan ay isa siya sa special guests.

Hindi nagpabayad ang Comedy Concert Queen kay Regine dahil aniya, noong time na kunin daw niya ang Asia's Songbird ay hindi rin daw ito naningil at nagregalo lang siya.

Special guest din si Ai-Ai sa Paskong Pasasalamat free concert ni Erik Santos sa December 3, na gaganapin sa Marikina Riverbanks.

http://www.journal.com.ph/news.asp?pid=1&s...day=7&year=2005